Shillong, Risaw 04: Ka Malki ka la pynrem ïa ka MLP da 1-0 ha ka jingiakhun jong ka Shillong Premier League, kaba la long hapoh SSA Stadium, Polo, mynta ka sngi.
U Joseph Seun u la thep ia ka kol ha ka 12 minit na ka bynta ka Malki lyngba ka ‘corner’ kaba la shut da u Ronnie Nongbri.
Ka jingiakhun mynta ka sngi ka long ka jingiakhunhapdeng ki nongapkol, namar ba u nongapkol ka MLP, u Kenio Lyngkhoi bad u nongapkol ka Malki, u Guidle Syiemlieh ki la shihsh ban iada ia kiba bun tylli ki bol ban rung sha kol.
U Kenio Lyngkhoi u la khanglad ia u Nongbri bad u Alem Khongwir ha ka 31 minit bad 33 minit. U Alem u la hap ban mih noh na madan hadien ka jingiatyngkhuh bad u nongialehkai ka Malki, u Vikram Chetry ha ka 63 minit. Baroh ar ngut ki nongialehkai ki shah sop shah spaiñ khlieh hynrei u Alem um shym lah ban ialehkai katba u Chetry u ialehkai shiphang ha shuwa ban un shah sei noh.
Ka MLP ka long ka kynhun kaba kham khlain ha ka jingiakhun ha ka kylla miet. Hynrei ka khlem shym lah ban pynrung ia ka bol shapoh ka box ka Malki.
U nongapkol ka MLP u la hap ban ialehkai bha namar ka Malki ka ia pyrshang ban thep biang. Ha ka 76 minit, u Kenio Lyngkhoi u la iada ia ka bol kaba la shut da u Primrose Lamat ban rung sha kol.
Ha ka 81 minit, u rangaialehkai ba shadien ka Malki, u Ousseynou Kamara u la shah beh hadien ba u la ioh ar tylli ki ‘yellow card’. U Ousseynou Kamara un nym ioh ialehkai ha ka jingiakhun bad ka Rangdajied United.
Kane ka dei sein kaba nyngkong ba ka Malki ka la ioh ia ka jingjop ha ka wat kaba ar. Ka Malki ka la ioh mynta 10 point bad ka don ha ka kyrdan kaba 5. Ka MLP kan sngewdiaw ia kane ka jingrem namar ka la long ka kynhun kaba kham khlain ha ka jingialehkai mynta ka. Ka Malki ka sahkut ha ka kyrdan kaba 4 da kaba kamai 11 point.
Ha ka sngi Saitjain, ka Langsning kan ialeh pyrshah ia ka Randajied United ha ka por 4 baje janmiet.
(Dur Malki SC. Malki jersey rong blu, Meghalaya Police jersey rong iong)
