Shillong, Nailar 20: Ka jingialehkai hapdeng ka Meghalaya Police bad ka Malki la hap ban sangeh noh na ka daw ka jingbym wan ki khynnah khar bol.
Ka jingpynkhreh ia ka jingialehkai ka la iaid beit kumba ju long ha kaba ki repheri bad ki nongialehkai ki la mih sha madan.
Hadien ba la dep ban kynting pisa (toss), na ka liang u rephri u la iohi ia u dieng lama korner ym shym pynieang bad kumjuh ym shym la pyndait ia ki jar hapoh ki dieng kol.
Ki nongkhar bol kim shym la poi sha madan. Na ka liang ki nongpyniaid ki la rai ban pynsangeh ia ka jingiakhun kaba mynta ka sngi hadien ba ki la ap ia ki nongkhar bol kum shiteng kynta eiei.
Kane ka rai ka la pyndom ia ki paidbah kiba la tuid ban wan peit ia kane ka jingiakhun bad ki la leit sha ki jaka die tiket ban pan noh ia ka pisa.
Ia kane ka jingiakhun yn hap ban pynialehnoh ha kawei ka sngi. Ia kawei pat ka jingiakhun yn pynialeh ha ka sngi Balang hapdeng ka Langsning bad ka Sawmer ha ka por 3:45 janmiet.
(Dur TSR)
